Trobasons ten indexats 289 grops, 731 albums e 8.580 cançons

Montanhas sus montanhas

Ad’arron

Paraulas

Montanhas sus montanhas,
Montanhas de Seson,
Que i avè ua bergèra
Qui brilhava com lo só.

Be n'ei estada embrassada
Per un pastor biarnés,
E mèma cortisada
Per aulhèrs de Cauterérs.

Jo la preni, jo l'embrassi,
Sus l'erbeta la pauséi ;
Be'n hasói mila promessas,
De non la quitar jamei.

La bergèra tota estonada
D'enténer aqueth pastor,
Be digó tota rusada :
"Be't volerés trufar de jo"

Jo travèrsi las montanhas
Tà seguir mon aimador,
E que deishi los de casa,
En grana desolacion.

Be'n diseràn que m'as panada,
Aquerò n'ei qu'un abus,
Adishatz tots los de casa,
Que no'm vederatz jamei plus.

Èr Navèth - Pocheta
  • CançonMontanhas sus montanhas
  • Durada 04:24
  • AlbumÈr Navèth
  • An1997
  • Labèl de disquesPagans

As mai d’informacions sus aquesta cançon? La nos pòdes mandar per mejan d’ aqueste formulari.