Trobasons ten indexats 289 grops, 731 albums e 8.580 cançons

Maudit sia l'amor

Ad’arron

Paraulas

Maudit sia l’amor,
Tant la nueit com lo dia,
Tant la nueit com lo dia, mon Diu !
Quant de larmas me’n còstan aqueths adius,
Mon Diu ! Mon Diu !
Quant de larmas me’n còstan aqueths adius.

No’m viengues consolar,
Deisha’m dens la tristessa,
Dèisha’m dens la tristessa, plorar,
Ma volatge mestressa vien de’m quitar,
Plorar, plorar,
Ma volatge mestressa vien de’m quitar.

Un navèth aimador
Quan plus èra vesiada,
Quan plus èra vesiada d’amor,
Que la m’a capvirada praube de jo,
D’amor, d’amor,
Que la m’a capvirada praube de jo.

Non me’n parletz pas mei,
D’aquera malurosa,
D’aquera malurosa, jamei,
La vita m’ei afrosa quan jo la vei,
Jamei, jamei,
La vita m’ei afrosa quan jo la vei.

Jo que me’n vau anar,
Guardar las anesquetas
Guardar las anesquetas, la-haut,
Quant de larmas me’n còstan aqueths adius,
La-haut, la-haut,
Quant de larmas me’n còstan aqueths adius.

Arrés de mei urós
Que pastors en montanha
Que pastors en montanha, mon Diu !
Quant de larmas me’n còstan aqueths adius,
Mon Diu ! Mon Diu !
Quant de larmas me’n còstan aqueths adius.

Vriolonaires Pirenencs - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.

Cançons de l’album

  1. Maudit sia l'amor15:11