Trobasons ten indexats 285 grops, 715 albums e 8.362 cançons

Lo solelh e la luna

Biscam Pas

Paraulas

Dessús l’ostalariá onte soi tranquillon
Esperant ton tustet, mon amiga,
Quand la nuèch fa cantar mai que ieu e melhor
Totas las gatas, totes los gats,
Que repeta, que ditz, per dessus los teulats
Cada gat que sa votz me fatiga ?
Son cançons, e per tu las reviri en solaç,
Aquí las, aquí las, vaquí las :

Repic :
Lo solelh a rendètz-vos ambé la luna,
Mas la luna i es pas e lo solelh languís,
Aiçabàs sovent cadun a sa caduna,
Davant l’amor, passam pas lis !
La luna i es, la luna i es,
La luna i es mas lo solelh i vei pas ges.
Per la trobar la nuèch sufís,
La nuèch sufís mas lo solelh o sap pas e totjorn lusís…
Lo solelh a rendètz-vos ambé la luna,
Mas la luna i es pas e lo solelh languís,
« Ai vist aquò », Papà nos ditz…

Los sabents avertits per la pluèja e lo vent
Predisián lo borlís sus la tèrra.
Los jornals descrivián en tèrmes d’espavent
Cada avís, cada votz dels sabents…
Lo pòble espaurugat demandava als agents
Se lo monde anava a sa pèrda,
Quand subran los doctors, sabents e professors
Entonèron per òrts e per cors : (al repic)

Filosofs, escotatz! Aquel mot es per vos:
Lo bonur, sovent, vira canturla
E fugís a la crida de son rendètz-vos,
Davant nautres va de rescondons !
Quand cresèm qu’es plan luènh
Es tot pròche de nos, e barrutla, barrutla, barrutla…
Puèi se’n tòrna, se’n va, partent a cada bot,
Cercatz-lo, es un pauc de pertot !
Lengadòc als quatre vents - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.