Trobasons ten indexats 277 grops, 686 albums e 7.985 cançons

Cridarai

Claudi Martí

Paraulas

M'ajudèsse lo vent e son bufar de farga
De sas èrsas iretjas m'ajudèsse la mar
Cridarai

Tant qu'aurai una votz
E quicòm dins mon pitre
Cridarai

A me'n faire petar la carn de la garganta
A me'n faire gisclar la sang dins un crit baug
Cridarai

Coma un òme tancat per agaitar l'asuèlh
Un òme desliurat del pes de sas cadenas
Qu'an fargat los reis fòls e los barons sagnoses
E los monges enrogits del rebat del brasàs
Ont cremèron vivents mos fraires del passat
Qu'avián cantat l'amor e l'amistat umana
E manjat lo pan blanc pastat de libertat
Cridarai, cridarai
Cridarai, cridarai!
2 - Pocheta
  • CançonCridarai
  • Album2
  • An1969

As mai d’informacions sus aquesta cançon? La nos pòdes mandar per mejan d’ aqueste formulari.