Trobasons ten indexats 285 grops, 715 albums e 8.362 cançons

Tornaràs

Claudi Martí

Paraulas

Per la mar atraversar
E contra vents caminar
Nauta serà ma cançon,
Fòrta serà ma cançon.

Te dirà nòstra carn
Que comença a cremar.
Te dirà nòstre còr
Qu'a la libertat vòl nàisser.

Alavetz sentiràs
Lo solelh vertadièr,
Ausiràs lo vent
Al temps clar de vendémias.

Gaita: un punh se leva.
Escota: lo riu va crèisser.

Sabi que lèu tornaràs
Amb nosaus e tot es clar.
Nauta serà ma cançon,
Doça serà ma cançon.

Alavetz sentirem
Lo solelh vertadièr,
Ausirem lo vent
Al temps clar de la prima.

Gaita: ton punh se leva
Escota: lo riu va crèisser.
Lengadoc roge - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.

Cançons de l’album

  1. Lengadòc roge
  2. Un país
  3. Tornaràs
  4. La noça de la Quimèra