Trobasons ten indexats 277 grops, 686 albums e 7.985 cançons

Perqué m'an pas dit

Claudi Martí

Paraulas

Come totis los mainatges
Som anat a l’escòla
Coma a totis los mainatges
M’an apres a legir

M’an cantat plan de cançons
M’aprengueron tant d’istòrias
Lutèce... Paris... Paris

Mas perqué, perqué
M’an pas dit a l’escòla
Perqué m’an pas dit
Mas perqué, perqué
M’an pas dit a l’escòla
Lo nom de mon pais?

Nos contava lo regent
Aquel grand rei de França
Atacat davant los paures
Un sant òme aquel sant Loïs
Aimava tota la gent
E voliá pas la miseria
Un sant òme aquel sant Loïs

Mas perqué, perqué
M’an pas dit a l’escòla
Perqué m’an pas dit
Mas perqué, perqué
M’an pas dit a l’escòla
Qu’avia tuat mon pais?

E quand foguerem mai grands
Nos calguet parlar tres lengas
Per far un bon tecnician
Nos calia cargar tres lengas
E l’Anglès e l’Alemand
E çò que s’escriu a Roma
Per far un bon tecnician

Mas perqué, perqué
M’an pas dit a l’escòla
Perqué m’an pas dit
Mas perqué, perqué
M’an pas dit a l’escòla
La lenga de mon pais?

Benlèu tantas coneissenças
Nos mascan la vertat
Aprendrem sols qu’en la terra
Reina pas la libertat
Sauprem la talent de l’India
E lo dòl dels Africans
E la mòrt de Guevara

Mas perqué, perqué
An pas dit a l’escòla
Perqué an pas dit
Mas perqué, perqué
An pas dit a l’escòla
Lo nom de nòstre pais?
Martí canta un païs que vòl viure - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.

Cançons de l’album

  1. Un país que vòl viure
  2. Las Messorgas
  3. Perqué m'an pas dit
  4. Occitània saluda Cuba