Trobasons ten indexats 277 grops, 686 albums e 7.985 cançons

Un país que vòl viure

Claudi Martí

Paraulas

Es lo ciprès quilhat
La Corbièra salada
Es lo vilatge mòrt, la tèrra abandonada.

Vos vau parlar d’un país que vòl viure,
Vos vau parlar d’un país que morís.
La tèrra la coneissetz,
es la vòstra, amics,
es la teuna, vinhairon (bis)

Tu me disiás ma maire :
"Ont vas viure, mon filh ?".
Tu me disiás ma maire :
"N’i a tant que son partits".
E Marcelin Albert,
E la Comuna de Narbona,
E los qu’an tuat los crosats.
E Marcelin Albert,
E la Comuna de Narbona,
Totes los qu’an cantat "libertat".

Vos vau parlar d’un país que vòl viure
Vos vau parlar d’un país que morís.
La tèrra, la coneissetz,
es la vòstra, amics,
es la teuna, vinhairon (bis).

Ma maire me rementi de tot çò que disiás.
Vòli cantar lo vent que parla en lenga d’òc.
E Marcelin Albert,
E la Comuna de Narbona,
E los qu’an tuat los crosats.
E Marcelin Albert,
E la Comuna de Narbona,
Totes los qu’an cridat "libertat".

Vos ai parlat d’un país que vòl viure. (bis)
Martí canta un païs que vòl viure - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.

Cançons de l’album

  1. Un país que vòl viure
  2. Las Messorgas
  3. Perqué m'an pas dit
  4. Occitània saluda Cuba