Trobasons ten indexats 263 grops, 656 albums e 7.603 cançons

Dempuèi Auriac

Cocanha Triò

Paraulas

(Pica lo ròc,
Pausa ta caissa, pausa ton sac,
Tusta l'agulha…)
 
Dempuèi Auriac jusc'a Marselha,
Ai trabalhat, ai plan trimat.
Dintrèri dins la vila vièlha,
De Montpelhièr tant renomat.
En demandant la retirada,
Ausissi de maçons cantar.
Aicí quò's una bona vila,
Vau assajar d'i me logar.
«Vos soeti lo bonjorn mos fraires,
Amai a vos mèstre del luòc.
N'auriatz pas un prètzfach a faire,
Soi auvernhàs, los vos fariái.»
 
(Pica lo ròc,
Pausa ta caissa, pausa ton sac,
Tusta l'agulha…)
 
«Pausa ton sac, pausa ta caissa,
Manja un croston e beu un còp.
E puèi ne reprendràs ta caissa,
E me talharàs aqueste ròc.»
Amb la massa tusta l'agulha,
Pica lo ròc per l'afinar.
Lo mèstre es content de l'ajuda,
A trobat un crane Auvernhàs.
 
(Pica lo ròc,
Pausa ta caissa, pausa ton sac,
Tusta l'agulha…)
 
Sòna sa femna amai l'ainada,
Lor vanta lo novèl vailet.
«Lo gardariam ben una annada
Trabalha fin amai es adrech»
La filha garnís la conolha,
Près de l'Auvernhàs se'n va fialar
«Arrestatz-vos, pausatz l'agulha
Soi richa filha a maridar.»
 
(Pica lo ròc,
Pausa ta caissa, pausa ton sac,
Tusta l'agulha…)
 
E ieu qu'ai donat ma paraula,
Tusta pus fòrt sens l'agachar.
«Grand merci brava domaisèla,
Mon cur es pres, vos l'auretz pas.
Grand merci brava domaisèla,
Ma mia m'espèra a Auriac.»
I es? - Pocheta
  • CançonDempuèi Auriac
  • Durada 02:16
  • AlbumI es?
  • An2017
  • Labèl de disquesPagans

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.

URL corta