Trobasons ten indexats 289 grops, 731 albums e 8.580 cançons

Estruçada de printemps (tròç1)

Didier Tousis

Paraulas

Téisher au hiu deus soviers de l’ivèrn un coret de flors de persheguèr
seguir lo vòl d’un parpalhon tà véder que se’n va on que sia
lhevar los uelhs lo mei haut que’s poishqui dinc a per delà lo blu deu pregond
emplenhà’m d’aire biaça e còr, preus jorns on hèci hrèita
pità’m la cara au noroet
e cap au pèugue, la boca obèrta
ajacà’m suu sable caut en tot avisà’m de pensar ad arren
ahonsar las mans dens la tèrra
har picanhar los grans d’amor
préner lo temps de comptar las plumas de la pupa
e se son plan arrengadas de com cau en esventader negue e blanc
anar cuélher quauque lagrema se’n damora ua au hons deu còr
lhevà’m d’aubeta e escotar los cantaires per dus suu
teneder, parringlas, codarrois, lambrusquèras
hornir lo mon cant au deu monde
shiular de d’òra e de jòia a l’auserumi
condà’m aqueras meravilhas com estossin meravilhas
díser que t’aimi a votz hauta se per cas
tornar bastir güeits e cabanas
tornar préner la vita dab chic mei de sapiença
tornar balhar bailinas dab chic mei de corau
trempà’m la cara a l’aiga viva de l’arriu tot hredolic de las plojas navèras
guardar los uelhs obèrts la nueit
apréner un nom de flor haureta a l’escadut d’un hossat
anar boishar un chic las tombas e deishudar còp sec
los mòrts d’un floquetòt de primavèras e de petales de paparòts
anar-me’n córrer dab las cagolhas
obrir las cledas e los varrolhs
deishar flicotejar au vent lo drapèu de la pluma
indiana inventar danças navèras, estrànsias modèrnas de
Papó e puish me n’anar a puntetas tà non pas destorbar,
tà non pas esvarjar, tà non pas briga mesclà’m a la naishença de las flors
boishà’m l’amna com un miralh de las alaudas escobar los degrèus tà arcuélher la segonda qui
segueish au clòt de la coda de l’irongleta préner la mira de
l’espèr trempar dens l’aiga d’ua brosida lo cornèr deu
mocader tà eishugà’m au plec deus uelhs las brigalhas deu temps passat
pità’m de plom, pès tancats sus la tèrra
córrer devath ua sarcelhada de tarròcs a desalenà’m eishaporlà’m a l’arrajada
alucar un darrèr huec puish balhar l’ahida au sorelh saunejar aus sococs d’estiu
bastir un nid de la mia calor ondrat de tres plumas de gai
plenhar lo solèr de sensèina a horcadas
celar los mons secrets a l’empara deus broishòcs florits marmotar a l’aurelha d’ua vòlamaria
auherir aus anjos gavidaires, los qui mian preu dit minin lo hat, lo hazard e la sòrta suu camin tòrt deu paradís, un pè de gat
e arríder-me’n per avanças de cuélher aus tons pòts carnuts, l’esmiraglanta insignificança d’un dia a víver au ras de tu
Gran Passacarrèra - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.