Trobasons ten indexats 276 grops, 684 albums e 7.939 cançons

Ballada Indiana

Didier Tousis

Paraulas

Çò qui damora de la vita
un còp qu’a gahat la volada
la parringla qui s’a hèit lo nid
au clòt de la brana ignorada

çò qui damora de calor
d’eslambrec aus arbos deishats
de plumalh sec aus còrs trempats
çò qui damora de color

Çò qui damora d’un país
un còp caçada la pluma indiana
de gai deus uelhs de cèu d’ací,
de pintruras de guèrra ondrada

çò qui damora d’arrigada
a la huelha qui cad a l’aiga
un còp halats los de tostemps
çò qui damora aus braç deu vent

Çò qui damora deu paradís
on voleteja un èr de ballada
nòta aguda qui sembla un crit
d’anjo, tornat a l’escurada

çò qui damora de beutat
au reclam curat de l’abséncia
de carn de sang e de vertat
çò qui damora d’elegància

Çò qui’m damora de l’amor
un còp hregada la toa amna
sonque un talent de seguedor
tà cuélher las flors de la lana
Guiva-Roi - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.