Trobasons ten indexats 274 grops, 680 albums e 7.897 cançons

Que damori

Didier Tousis

Paraulas

De pihurts o de caremèra
tringla lo men còr de papo
lo còr que m’es cadut a tèrra
mirgalhat de herpin e de flors
qu’es acabada la bramèra
que m’èi perduda la dolor
cara pintrassejada de guèra
soi vadut òmi de color

jo que damori

tu vas t’en víver l’aventura
gostar a la peth deu luenhau
cercar ua auta pèira aguda
on t’agusar còr e cashaus
liurar aus vents de diferéncia
cledas ronhosas e portaus
que soi ortalèr de semblança
e qu’èi òbras au casau

jo que damori

se pensas que’t cau har a la tusta
hilh de la mondialisacion
amassejar pòbles e lutas
a grans clapats de maurason
que’t guardarèi ton pit de lua
ton cròt de ceps e ua cançon
e que velharèi sus la pupa
qui nida er’an suus cabirons

jo que damori
Guiva-Roi - Pocheta
  • CançonQue damori
  • D’autrasChant: Lucie Albert, Didier Tousis, Piano: Bruno Hollemaert
  • AlbumGuiva-Roi
  • An2016
  • Labèl de disquesPit Produccion

As mai d’informacions sus aquesta cançon? La nos pòdes mandar per mejan d’ aqueste formulari.