Trobasons ten indexats 301 grops, 782 albums e 9.265 cançons

Que vòs

Dupain

Paraulas

Segur, tant que lei gornaus
Pitaràn ai faribordas,
Que prendràn per de fanaus
Lei bofigas ò lei cogordas,
Ò ben la nuech per lo jorn,
Leis abetas porràn dire
Ambé son bestiàs sorire :
"Lo mau durarà totjorn"

Se jamai ensemenem
Se diant "arriba cu planta,
Laissa istar, deman veirem"
Porrem l’esperar, la Santa,
E lo temps benit d’amor !
Se Jaque a paur de la vida,
Sa garda l’arma aflaquida,
Lo mau durarà totjorn

Suffise pas de renar
Còntra lei tirans, lei mèstres,
E, coma un ai, de bramar,
Per ganhar pan e ben èstre.
Se pregues dei sèt dolors
Nòstra dama, bòna maire,
Segur, bravei trabalhaire,
Ton mau durarà totjorn.

Coma as un còr, un cervèu,
Sensa tu ren si pòu faire,
E mandes -Ò paure flèu !-
D’autrei per far teis afaires.
Quinta granda es ton error,
O gigant qu’un enfant mena,
Es solida ta cadena,
Ton mau durarà totjorn.

O gus, aimes mièlhs crebar,
Dins l’usina ò la carriera,
Qu’en fasent ta libertat :
Ton ama n’es pas pron fièra.
Tant que vira fa de torns
La ròda de ta misèria,
Quand s’arrestarà ? Mistèri...
Ton mau durarà totjorn.
L’usina - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.