Trobasons ten indexats 299 grops, 774 albums e 9.216 cançons

Carrièra passa-misèria

Eric Fraj

Paraulas

Per la carrièra passa-misèria
I a una femna sus sa cadièra
Seitada contra son gos
E son tritum entre los dits

Plega ta farda, ta misèria
E vai t'en crebar pus luènh!

Sus lo mur blanc i a un papièr
Color d'una vergonha d'uissièr
Dessús en negre i a escrit:
"l'autòrota passarà aquí"

Veirèm lo bitum enrubanat
Préner la plaça de l'ostal barrat
Degun vendrà pus li comprar de vin
Mes jos la pèira podrèm ausir:

Una cançon, un refranh
Una votz, un vièlh planh
Una femna que plora
E un gos que jaupa

Se mon istòria es communa
Tot parièr mesfisatz-vos plan
Benlèu per vos -deman-
Vendràn vos dire:

Plega ta farda, ta misèria
E vai t'en crebar pus luènh!
Subrevida - Pocheta
  • CançonCarrièra passa-misèria
  • Durada 03:12
  • AlbumSubrevida
  • An1978
  • Labèl de disquesRevolum

As mai d’informacions sus aquesta cançon? La nos pòdes mandar per mejan d’ aqueste formulari.