Trobasons ten indexats 289 grops, 727 albums e 8.507 cançons

En montant l'escalièr

Eric Fraj

Paraulas

En montant l'escalièr de pèira
Aviái perduda la rason
Aviái perduda la sason
Emai la drèita, emai l'esquèrra
En montant l'escalièr de pèira

En dintrant dins la cambra cauda
Èra la filha al canton
Diguèt pas òc, diguèt pas non
Tombèron lèu camisa e rauba
En dintrant dins la cambra cauda

Tot lo temps que cramèt lo fuòc
Faguèrem un camin d'estèlas
Floriguèron de flors novèlas
Coma n'en florís pas enluòc
Tot lo temps que cramèt lo fuòc

Mas lo temps virèt a la bisa
S'atudèron fuòcs e candèlas
S'en tornèt faire fintanèla
La filha dins la vila grisa
Mas lo temps virèt a la bisa

Perdèri lo nom de l'ostal
De la carrièra, de la vila
I a plan cent ans o benlèu mila
Las causas s'acabèron aital
Perdèri lo nom de l'ostal...
Transits - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.