Trobasons ten indexats 301 grops, 782 albums e 9.265 cançons

Las agassas an begut lo solelh

Eric Fraj

Paraulas

"Tornarai pas jamai tan fòrt
Coma siái estat"
Disiá lo vièlh sul pas de l'òrt
Los uèlhs baissats
"Tornarem pas far la dalhada
Coma autres còps
Ni mai anuèch a la velhada
Batar d'esclòps...

Lo temps s'atruma
Farà pas bèl
Las agassas an begut lo solelh !

Que venga l'ivèrn o l'estiu
Res cambia pas
De viure ací èra agradiu
Al temps passat...
Dison que tornamai deman
Dins lo vilatge
De joves vendràn far de pan
E de formatge...

Podètz venir fargar lo temps
La vida es dura
E vos caldrà passar sovent
De grais d'endura...
Joves, cal pas vos en saber mal
Se parli pas
Es que la lenga de l'ostal
La sabètz pas...

M'en vau anar tot doçament
Plegar la taula
Far la vaissèla, bèlament
De las paraulas...
Me caldrà netejar l'ostal
Barrar las pòrtas
Lo temps a getat son tremalh
D'annadas mòrtas..."
Transits - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.