Trobasons ten indexats 298 grops, 764 albums e 9.073 cançons

Jo vos i vòi díser ua canson

Familha Artús

Paraulas

Jo vos i vòi díser ua canson,
Tota plea de mensonjas.

E si n’i a nat mot de vertat,
Las aurelhas me’n tombin !

Me’n soi anat entau mercat,
Quan tots los autes se’n tornan.

Credi de m’i crompà’n shivau,
S’i tròba ua mitra shorda.

M’i dísen poder pas n’anar,
S’espatlava de córrer.

Que l’i èi volut sautà’u licou,
L’i gahi per la coda.

Èi volut i pujar dessús,
Soi tombat sus Baiona.

Credi de l’i balhar lo hen,
Que l’i èi balhada estopa.

Credi se l’anava minjar,
Me l’a hilada tota.

Que me n’a hèit un gusmeron,
Per har lo torn au monde.

Parti’ntau camp pr’anar boiar,
Tròbi pa’n gran de tèrra.

Èi botat l’arrai au pèishent,
E los bueus devath l’èrba.

Me’n soi tornat per lo casau,
Tròbi’n vèrn plen de higas.

L’èi tirat un còp de baston,
N’èi hèit tombat perricas.
Drac - Pocheta
  • CançonJo vos i vòi díser ua canson
  • Durada 04:43
  • AlbumDrac
  • An2010
  • Labèl de disquesPagans

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.