Trobasons ten indexats 301 grops, 782 albums e 9.265 cançons

Quand auserian lei novèlas

Gacha Empega

Paraulas

Quand auseriam lei novèlas
Nos leveriam promptament,
Enfleriam lei calamèlas,
Danseriam alegrament
Au sòn de nòstrei musetas,
Dei timbalas, dau clarin
Disiam mila cansonetas
Sus lo ton dau tamborin.
Apeleriam mèstre Antòni
Que venguesse au plus lèu,
Que portesse sa fonfònia,
Son fifre, sei cascavèus,
Ambé son tamborn de basca,
Per dansar quauque balet,
O ben quauqua bergamasca
Sus lo cant dau triolet.
S’aguessiatz vist nòstra dança,
Lei cambadas e lei sauts;
S’acordavan en cadança
En mila torns a prepaus.
Comenceriam a descendre
A bas tot lo lòng dau riu
Vers la granja de mon gendre
Per veire lo fiu de Dieu.
Lo troveriam dins l’estable,
Dins la grùpia tot ben nu,
Tant pauret e miserable
Que n’aviá ren de dessus.
Endurava la fredura,
Semblava l’enfant d’un gus;
Auriatz dich per sa postura
Qu’era quauque mau-vengut.
Sa maire lo pren, lo breça,
Lo plega dins un banèu,
L’entortilha d’una faissa
E li dona lo mamèu.
Tetèt pas una goteta,
Non pas meme l’esponchon,
Que tant e quant la nioleta
Tombèt en aqueu pichon.
Polyphonies marseillaises - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.

URL corta