Trobasons ten indexats 258 grops, 639 albums e 7.449 cançons

Rassa

Gai Saber

Paraulas

Rassa, tant creis e monta e pòia
cela qu’es de tots enjans vòia :
sos prètz a las autras enòia,
qu’una non i a que ren i nòia,
qu’el vesers de sa beutat lòia
los pros a sos òps, cui que còia ;
qué ’lh plus conoissent e ’lh melhor
manténon adès sa lausor
e la ténon per la gençor,
qu’ilh sap far tan entièir’onor :
non vòl mas un soo preiador.

Rassa, dòmn’ai qu’es
frescha e fina,
còinda e gaia e mesquina :
pel saur, ab color de robina,
blancha pèl, còrps com flors d’espina,
coude mòl ab dura tetina,
e sembla conilh de l’esquina.
A la fina frescha color,
al bon prètz es a la lausor
lièu pòdon triar la melhor
cilh que si fan conoissedor
de me, vès qual part ièu asor.

Rassa, als rics es orgolhosa,
e fai grad sen a lèi de tosa,
qué non vòl Peitièus ni Tolosa,
ni Bretanha, ni Saragosa,
ans es de prètz tant enveiosa
qu’als pros paubres es amorosa.
Puòis m’a pres per chastïador
prèc li que tenha char s’amor
es am mais un pro vauvassor
qu’un comte o duc galiador
que la tengués a desonor.
Esprit de frontiera - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.