Trobasons ten indexats 299 grops, 773 albums e 9.202 cançons

Au barrei lo só-coc

Joan Francés Tisnèr

Paraulas

Au barrei lo só-coc d’atau espaci
aquí gorg blu aquí burlant casau
e lampa hauta e 'slambèu in.hernau
de lana a mana que se cerca ua plaça

mon tèmps qu'es arribat de la repassa
deu leit anat dab lo ser e lo brau
shens de trobà'm ont mòri mon macau
ont m’adromir enquiet de mala jaça

len o saunei lo ton ringlant mormòc
en balas qu'i hèi córrer lo son lòc
per ua trista darrèra eslamada

amna o carafa escleta un angle agut
qu'i pogi e culi de niu l'encrumada
a l’umba vana e pròcha au cèu perdut
Manufactures Verbales - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.