Trobasons ten indexats 301 grops, 782 albums e 9.265 cançons

Amontanhada 2 - Postlude

Joan Francés Tisnèr

Paraulas

E seré l'arrèrsaba
qu'ac senti partvirà's
saba qui dessapa
a l'abòr que veiràs

Parièr com jo cussoada
ma vesina jaunejant
a galupa enairada
que s'a gahat la volada

Que'm tròbi mei pesanta
los parpalhons hèn lo mus
qui'm cossirèn joenòta
pelucosa calinosa

Sembla l'òra deu gran viatge
lo cap de la mia coda
que's destaca chic a chic
shens qui poishqui arren

Gahi lo balanç
d'un ventòt shiulaire
emportada peu briu
d'un coishin bailinaire

Qui'm mia d'ua part de l'auta
virolejanta passada
esquiroanta clamor
qui m'ahisca e'm hè paur

Sobta candeleta
un trauc d'èr m'engoleish
au bèc capihoneta
tà delà m'ahoneish

Au cap de l'eternitat
a trucas de trantalhar
a docetas m'a pausat
shens qu'i poishqui arren
Transpòrts Tisnèr S.A. - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.