Trobasons ten indexats 301 grops, 782 albums e 9.265 cançons

Aus punts cardinaus

Joan Francés Tisnèr

Paraulas

Perdut aquiu au bèth miei deu desèrt
de mas pensadas embrumadas
desaurat, desairat, desorat, desperdut
viahòra, au zenit a cap cèu
desesquerat descatavat desgansolat
perdut!

On lo monde e van?
E on lo monde e va?

E'm vau aprigar apelhar
de tres quate espessors
de faussa identitat
de'm servir si per cas
de faussa identitat
de'm servir si per cas
o lavetz tirar tot anar curt
com un vèrmi de plaja a cridar
Eh! Soi aquiu! Mes lo brut de la mar
ne m'enteneràn pas!
solet shens arrés
tà'm díser quauquarren
e dab gent de pertot
qui semblan de saber
e brut de pertot
esgòrra au poralhèr!
Transpòrts Tisnèr S.A. - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.