Trobasons ten indexats 298 grops, 764 albums e 9.073 cançons

Crane Airways

Joan Francés Tisnèr

Paraulas

Quan la grua va capsús
qu'avem l'ivèrn dessús

Partir,
com un gai pregond
qui't pren au còr deu vente
partir,
com un gai pregond
qui't pren gaièra caguèra
aperet confús
enveja d'estremau
desir shord de capsús
de sentit espaciau
ua nomada turmenta
e estrànsia janglassèra.

Siatz los planvienguts
sus Crane Airways

Sus l'esquia d'ua grua sacrada
linha Suècia-Gasconha
un gran v baish mavedís
bernadòta reiau
passatgèr ideau
passatgèr de balaguèra
a grua cridassèra

Soi passatgèr d'un còp èra
eternau
viatge interior
vòlan crums brums
eslambrecs eslamats
desenrotlaire d'apriga
un aperet d'èr caut
m'amia au cap deu cèu
un corrent en davant!

Siatz los planvienguts
sus Crane Airways

Tornar,
com un gai pregond
qui't pren au còr deu vente
tornar,
com un gai pregond
qui't pren gaièra caguèra
aperet soat
enveja de pè deu cèu
desir shord de capvath
de sentit de fin de nèu
ua nomada turmenta.
e estrànsia, janglassèra,

Siatz los planvienguts
sus Crane Airways

Sus l'esquia d'ua grua sacrada
linha Gasconha-Suècia
un gran v baish mavedís
bernadòta reiau
passatgèr ideau
passatgèr de bisa bèra (3)
A grua cridassèra

Soi passatgèr d'un còp èra
eternau
viatges interiors
desencrumats
rais de só eslamats
despaperaire d'apriga
un aperet d'èr caut
m'amia au cap deu cèu
un corrent en davant!

Siatz los planvienguts
sus Crane Airways

Quan la grua va tà capvath
qu'avem l'ivèrn acabat
Transpòrts Tisnèr S.A. - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.