Trobasons ten indexats 289 grops, 727 albums e 8.507 cançons

Lo vilatge nejat

Joan Pau Verdier

Paraulas

Dins l’aiga linda dau barratge
Un òme ven de se nejar
Quala serena quau miratge
An ben pogut lo sonar
Los obrièrs de la centrala
An pas pogut dire son nom
Pas question de levar la pala
Per tirar son còrs dau fond
Degun n’es d’acòrd sus son atge
Disen pasmens qu’èra nascut
Dins un ostau de’queu vilatge
Dins l’aiga disparegut

Mas vos demande qui pòt creire
Qu’un òme pòt s’anar nejar
Dins l’esper fòu de tornar veire
Un brijon de son passat?

Dins l’aiga negra dau barratge
L’ingenhor ven de se nejar
Disen qu’auvià dins lo vilatge
De la campanas sonar
Auviá lor tindar lo persegre
La nuèit lo traire de son som
Disiá daus còps qu’un òme negre
Sonava lo planh au fond
Coma’viá permés la naissença
D’una centrala d’avenir
Chacun dit se reconeissença
Per sa rigor d’esperit

Mas vos demande qui pòt creire
Qu’un òme pòt s’anar nejar
Cresent tornar auvir e veire
Las tornas de son passat?
L’exil - Pocheta
  • CançonLo vilatge nejat
  • ParaulasM. Chadeuil
  • MusicaJ.P. Verdier
  • AlbumL’exil
  • An1974
  • Labèl de disquesPhillips

As mai d’informacions sus aquesta cançon? La nos pòdes mandar per mejan d’ aqueste formulari.