Trobasons ten indexats 301 grops, 782 albums e 9.265 cançons

Pòrta-crotz, pòrta-bandiera

Joan Pau Verdier

Paraulas

Me fait mau a ne pas creire
la votz surtida daus ans
que ma parla d’un enfant
que n'ai jamais sabut veire
ne sabe pas coma dire
çò que fuguet queu jovent
car me faudria per z'escrire
mai de fòrça que de temps
me segra ma vita entiera
coma un clam de veritat
coma una aurada sanciera
au fons de ma soletat

Pòrta- crotz, pòrta-bandiera
portarai plan quauque ren...

Lo grand enuei de la terra
sòulha sos reives d’amor
e n'auva pus lo tambor
que dins lo fum de la guerra
quand los auselons de l'aire
chanten per la libertat
l'òme dins son grand desaire
s'en sent tot espaventat
mas mòda de noveutat
quand quò es l’òme qu'a plen còr
parla de sa libertat
quò es que los auseus son mòrts

Pòrta-crotz, pòrta-bandiera
portaras plan quauqua ren...

Aimarai coma un còp era
o n'aimarai pus jamai
e sens regret m'en irai
me far aubre me far terra
espere que ma memòria
m’ajude per oblidar
coma un cròs dins nòstra istòria
l'amor que n’es que de far
l'enfant te dit qu'as perdut
òme de tan pauc de temps
tots sos reives d’absolut
dins ta conquesta dau vent

Pòrta-crotz, pòrta-bandiera,
portara plan quauqua ren.
L’exil - Pocheta
  • CançonPòrta-crotz, pòrta-bandiera
  • ParaulasM. Chadeuil
  • MusicaJ.P. Verdier
  • AlbumL’exil
  • An1974
  • Labèl de disquesPhillips

As mai d’informacions sus aquesta cançon? La nos pòdes mandar per mejan d’ aqueste formulari.