Trobasons ten indexats 289 grops, 727 albums e 8.507 cançons

Sirventes

Joan Pau Verdier

Paraulas

Diga, l’amic, presta me la clau de ta retirada lunaria!
Ai vint e set ans e los piaus que se voudrian blancs
d’aici, d’ailà
lo temps de me remirar dins lo miralhon
e d’aver jà paur.
lo temps bizarri d’une sensacion.
Diga, camarada, ai som!
me soi potringat de coneria umana e quò fai mau, sabes...

E, pasmens, dins lo meseis temps,
soi d’un pòble d’òmes que se saben pas
e que platussan dins una lenga estranha coma daus papagais,
vestits d’una cultura parisenca
e d’una istòria messorguiera.
Soi tanben d’un païs dessaunat
voidat per las guerras e l’exilh economic,
tot armada, e tot torista.

Diga, collega, se duerme, coma vai s’achabar la cachavièlha?:
Leidonc, chau belèu se levar
e belèu que fin finala, la veirem la libertat !
Oc, de segur ; mas la quala ?
la libertat vertadiera ‘"
es sens pitit chap, sens grand patron
sens mestres de tota mena
sens noveus mandarins de cultura o de contra-cultura,
sens degun professor de saber que pueschan dire ço qu’es bon 0 mau
Viure liure, quò vòu dire assumir tot sol sa propria libertat.
La luta de mon pòble e de tots los autres deu esser quela questa absoluta
se de non, serà nonmàs una colhonada
emb d’autres regents.
Connoice en quauques luecs
daus inquisitors sens sotanas
e daus futurs jaulièrs occitans...
N’avès pus res a far de quala casta!
Serem liures, es a dire : sens degun Poder!

En esperar, collega,
diga me lo mau de mos chats que raivan
quora la nuèit s’en vai vers sa melopeia de negre
diga me los còrs aigados a marchar dins l’amor daus fòus
lo matin a la tencha roja

Quora mon païs se desvelha dins sa lenga.
L’exil - Pocheta
  • CançonSirventes
  • ParaulasJ.P. Verdier
  • MusicaG. Jérôme, B. Kaufman
  • AlbumL’exil
  • An1974
  • Labèl de disquesPhillips

As mai d’informacions sus aquesta cançon? La nos pòdes mandar per mejan d’ aqueste formulari.