Trobasons ten indexats 289 grops, 727 albums e 8.507 cançons

La passien

Lo Còr de la Plana

Paraulas

La vierge se’n va per vila
Son cher fieu ne va cercar
Siegue pas au mitan de vila
Son cher fieu a rescontrat
Mon cher fieu ieu vos ne’n pregui
Digatz-mi la veritat

Ma maire vendrètz divendre
Divendre l’après-dinar
Quand ne’n ven lo sant divendre
Sús la crotz lo van botar
D’aquí vei venir sa maire
A beure li a demandat

De marridei gens l’entendèron
Per beure li an preparat
De feu de suja de mira
De vinaigre entremelat
Lo li meton sús lei bocas
Son preciós còrs an brutlat

Lei belei santei campanas
An pardut son beu sonar
Lei aucèus dau verd boscatge
An pardut son beu volar
Lei peissons de la ribiera
An pardut son beu nedar

Lo solèu ambè la luna
An pardut sa claritat
Lei peiras si son fendudas
La terra a tota tremblat
Lei mòrts dedins son susàri
Dau crótz an ressucitat
Es lo titre - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.

URL corta