Trobasons ten indexats 265 grops, 659 albums e 7.653 cançons

La tautena e la patineta

Lo Còr de la Plana

Paraulas

La tautena un bèu jorn
Voguèt ‘sposar ‘na patineta
Tota polida e lisqueta
Venguèt per li parlar d’amor
«Ti farai curbir de dolars
Se vènes emé ieu ma bèla
Rabalharem d’aur «a la pelle»
Tu sus terra e ieu dins la mar»

Puei si crompèron l’anèu
Per ben sagelar lo noviatge
Si balhèron per engatge
D’aduïr cadun son guilanèu
La patineta per present
Porgèt son gàubi resquilhaire
La Tautena sei braç de caire
Lòngs, tòrç pegós, prins e lusents

Toei fuguèron convidats
Per veire aqueu bèu maridatge
Tot ce que dins lo paratge
Si podiá comptar d’enfavats
S’aviá faugut faire cramar
Dau monde lei grandei canalhas
Bastava que dins la ripalha
‘na bomba venguesse petar

La patineta mostrèt
Son país nòu a la tautena
Sensa empachas e sensa pena
Tota la còsta li ofriguèt
Pertot monte botiá son uèlh
Creissián de torres grandassas
De palais e de bastidassas
Per far venir crebar de vièlhs

Ais ostaus de retirats
Per lei casinòs lei palhòtas
S’enanèron far ribòta
E plaçar l’argent desvirat
Aqueu dei maquinas de sòus
Dei fremas e de la cocaïna
De la bordelha e dei robinas
Fins que sobresse ren au sòu

Lei caïmans dau canton
Leis escorpions e lei rapaças
Creguèron que dins la plaça
Farián ‘na vida de santon
Cadun voguèt manjar sa part
Lei quèpis vèrds lei camiás negras
Es ansin que tota la pegra
Venguèt s’amolonar dins Var
Marcha! - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.

URL corta