Trobasons ten indexats 289 grops, 727 albums e 8.507 cançons

Aquel jorn sabi que vendrà

Mans de Breish

Paraulas

Aquel jorn sabi que vendrà
E benlèu dins qualquas annadas
Escotatz-me plan, camaradas
Aquel jorn sabi que vendrà

Aquel jorn totes los amics
Anarem beure de vin roge
E menarem tant de reboge
Que ne serem estabordits

Los drollons nos agacharàn
Galoparàn per las carrièiras
Aquò serà tota una fièira
Las dròllas nos caressaràn

Per alucar los fenestrets
Ne montarà mai d’una còla
Tornejarem en farandòla
Lor sarrarem ferme los dets

Cantarem las nòstras cançons
Las cançons que cantam pas ara
Retronirà dins la nuech clara
La jòia dels trabalhadors
Alba d’Occitania - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.