Trobasons ten indexats 289 grops, 727 albums e 8.507 cançons

L'ostal nòstre

Mans de Breish

Paraulas

L’ostal nòstre se demolís
Tot doçament, pèira per pèira
Seràn ben contents los vesins
Quand nos veiràn a la carrièra

L’ostal nòstre se demolís
Las me voldrián crompar la tèrras
Coneisson mon rebaladís
Ai pas d’argent despuèi la guèrra

L’ostal nòstre se demolís
«Mena las vacas a la fièira!»
Me crida l’un l’autre me ditz
«Vai te’n al Cròs, a la Veirièira!»

L’ostal nòstre se demolís
Qual comprendrà la mia paurièira?
Venguèt un japau de París
M’endautrinar d’oras entièiras

L’ostal nòstre se demolís
El me parlèt del ministèri!
D’un cuol-rimat, d’un barba-gris
D’un ventre gròs d’un mascomèri

L’ostal nòstre se demolís
Me’n chauti ieu del ministèri!
De qué me diràn los pepins
Los pepins vièlhs del cementèri?

L’ostal nòstre se demolís
Eles cridavan lor misèra
Al temps del paure rei Loís
Avián lo sang viu un còp èra

L’ostal nòstre se demolís
De castèls quantes se cremèron?
Quin revoge dins lo país
Ostal mèu quand te bastiguèron!

L’ostal nòstre se demolís
Las me caldriá vendre las tèrras
Ne vesi mai d’un que se ritz
Profitaires d’aquela guèrra

L’ostal nòstre se demolís
Mas totjorn ieu soi a l’espèra
Dins la trumor quicòm lusís
Tornarà lo temps d’un còp èra.
Alba d’Occitania - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.