Trobasons ten indexats 301 grops, 782 albums e 9.265 cançons

Aquela cançon es pas de colera

Mans de Breish

Paraulas

Aviás pas vint ans
Aquel sèr de fèsta
Eri pas pron grand
Per te tèner tèsta
Eri pas valent,
Un pauc coma ara
Aviás pas lo temps
Un pauc mai d’una ora.

T’o voliá pas dire
M’as escotat
Te voliá pas creire
M’as enganat
Filha perduda
Te’n vas, te’n vas,
Siás tròp cambaruda
Per t’agantar.

Una ora es pas tròp
Per far la visita
Lo castèl es fòrt
La pòrta resista
Lo sénher del luòc
Se sòna Innocença
Vòl pas tot d’un còp
Manqui de paciença.

Lo temps a passat
Dempuèi la batèsta
Dempuèi aquel sèr.
Aquel sèr de fèsta
Per d’autres lairons
Faguèri la guerra
Aquèla cançon
Es pas de colèra.
Autonomia! - Pocheta
  • CançonAquela cançon es pas de colera
  • Durada 02:37
  • AlbumAutonomia!
  • An1977
  • Labèl de disquesVentadorn

As mai d’informacions sus aquesta cançon? La nos pòdes mandar per mejan d’ aqueste formulari.