Trobasons ten indexats 301 grops, 782 albums e 9.265 cançons

Au comptador

Mauresca Fracàs Dub

Paraulas

Au comptador vèni veire lei colègas
Prenem pas totstemps una pèga
Sabèm que l’arcòl aquò de lònga, rafèga
De jaune en jaune fasèm quauquei luègas.

Parlam un pauc de tot e de ren
Dau trabalh que manca
Dau temps...
Charram de la tèrra que se vend
Deis oliviers e restancas
Qu’òm nos pren
L’òme de sòus tot plen
Que si tanca
Dins la ment
Lo pais de terren en terren
S’escranca
E deven
La boca lèu quasi muda
Lo vilatge sensa beguda.

Repic

Coma lei beures mirgalhats
Pagam la virada
Cadun son gotat
Mai ensems estacats
Fasèm la bugada
Dei sovenirs macats
Siam segurs de pas oblidar
dins la calada
D’un pauc s’ajudar
Lo ceu es a quatre pas
Mai la pastissada
Nos fa trampelar
Vai, fasèm bela esquipa
l’amistança ai tripas.

Repic

S’aviam aquesta enveja
De tot enversar
Versa en èrsas frejas
Lei glaicerons dins la mieja
Sanha d’anisat
Monte mon solèu poncheja
Aqueu fais que carreja
L’òme levat
Devèrs la Luna vueja
L’estèla marina baileja
A nos de semenar
Un rire qu’embraceja.
Veirem se la carrièra lusisse
Se de belugas lo mond se vestisse...
Francament - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.