Trobasons ten indexats 299 grops, 773 albums e 9.202 cançons

Qui m'a tuat mon vilatge

Nadau

Paraulas

Qui m’a tuat mon vilatge ?
Qui l’a plenhat de dòus, de plors ?
Qui a caçat lo crit deu mainatge ?
Los arriders, lo parlar blos ?

At saps, tu, vielh qui t’arrossegas ?
Praube hantaume croishit !
Tristèr, soviers, roinas e sègas
Mon vilatge, perqué ès faidit ?

M’an dit qu’ès tu, vent, qui esparvolas
La nueit e la paur. Ei vertat ?
Lhèu tu, la nèu, qui ns’assadolas
De silenci, de puretat ?

Qui l’a tuat ? ès tu la Tèrra ?
Qui n’ès pas de bon tribalhar ?
O tà’m tirar de la magrèra
Tu, pair, qui m’as hèit estudiar ?

E tu, que’n dises, ma companha ?
Tu, qui volèvas, a tot hòrt,
Deishar la tèrrra o la montanha
Tà l’aisidèr, tau gran comfòrt ?

Qui l’a tuat ? es-tu, torista ?
Qui non pensas qu’a’t divertir
Dab l’escarni deu folclorista
E m’as pres mon arma en partir ?

E tu, tu lo promofieitaire
Tà tu, çò de noste qu’ei ton !
Que l’as mesclat dab pèira e aire
Entà’u prestir hens lo beton !

Uei que me’n torni tau vilatge
Que’u voi har víver e pè-hremar
Voi audir lo crit deu mainatge
Voli cantar, arríder, aimar.
Mossur lo regent - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.