Trobasons ten indexats 289 grops, 727 albums e 8.507 cançons

Lo dia Maria

Nadau

Paraulas

Qu’èri a saunejar d’ua grana tormenta,
Qu’anavi sauvar ua prauba innocenta,
Qu’èi hicat la man de l’auta part deu lieit,
Que m’a desvelhat, lo vueit.
A tots petits drins los bruts que pujavan,
Capvath lo planchèr, tot que m’arribava,
Qu’as ubèrt la pòrta, tà sortir lo can,
Lo hred qu’a debut entrar.

Lo dia, Maria
Que s’a minjat la nueit,
Lo dia, Maria
Que’m va tirar deu lieit.

Jo ne disi pas tostemps çò qui pensi,
Que dèishi sovent parlar lo silenci,
Qui dèisha lo temps a tots los chepics,
A tots los trebucs, petits.

E l’amor a còps, l’amor s’arrepausa,
A l’ombra de l’ombra doça de las causas,
Qu’ei juste un moment, qu’ei juste lo temps,
D’estar content, dehens.

Qu’enteni las gruas qui se’n van tà França,
Que cau getar lo blat a l’esperança,
Enqüèra un drin, e que’m vau lhevar,
E lo puta de mau de rea que’m va tornar...
Nadau a l'Olympia - Pocheta

Crompa aqueste album

As mai d’informacions sus aquesta cançon? La nos pòdes mandar per mejan d’ aqueste formulari.