Trobasons ten indexats 301 grops, 782 albums e 9.265 cançons

Tora lora lora

L'escabòt

Paraulas

Tora lora lora, lo gau canta
e n’es pas encara jorn
ieu m’en vau en Terra Santa
per veire Nòste Senhor
Vòs tu venir? Nanì nanì!
Vendras pro ben! N’en farai ren!
Guilhaume, Guilhaume!
Au mens s’ieu non torne plus
fai mi dire uni set-Saumes
Elás mon Dieu, que farai ieu?
Sieu paurós come un polet
Quand sieu solet, quand sieu solet

Tora lora lora, l’aura mena
e me fai bofar li dets
Certas, ieu sieu ben en pena
Ai pòu de morir de freit
Hòu de l’ostau! Quau pica avau?
Vodrieu lotjar. Siam toi cojats!
Grangiera, Grangiera!
Durbetz me, sieu tot jalat
Botatz-me dins la feniera
Elás mon Dieu, que farai ieu?
Lo paure, onte tirarai,
beleu morrai, beleu morrai

Tora lora lora li ribieras an deja tot inondat
Vese plus ren li brotieras
Beleu me faudra nadar
Quauque barquet! N’ia pa de que.
Ont passarai? Certas, non sai.
Sauvaire, Sauvaire!
Tu n’as ges de caritat,
n’es pas ànsin que fau faire
Elás mon Dieu, que farai ieu?
Lo paure, onte passarai
Me negarai, me negarai

Tora lora lora, per fortuna sieu sortit d’un michant pas
La pode contar per una
Enfin ai trobat lo jas
Bonjorn a tots! E mai a vos
E que fasetz? Vos lo vesetz!
Maria, Maria!
Vos estrugue dòu beu fieu
Lo verìtable Messia
Bòn San Jòusè - se me cresetz
Me fairetz veire l’enfant
qu’ieu ame tant, qu’ieu ame tant
Viva l’enfant novel - Pocheta

As mai d’informacions sus aquesta cançon? La nos pòdes mandar per mejan d’ aqueste formulari.